日期：2009年10月26日

時間：凌晨四點至八點期間

地點：塘福　　　　人物：Avis Cheng、Carole Chow、Carmen Tang（按姓氏英文字首排名）

首先，一群職青團友在塘福渡假村分享，由十點幾聊到凌晨四點……終於等到女團友們回來，由於大家早已洗好澡，於是回到自己的床位睡覺。

我們三人組為免吵到其他團友，所以當廳長，Carole睡沙發，而Carmen和我孖舖睡在地毯上……

看來大家已累了，只見Carmen不消五分鐘，已經順利依約找周公下棋了，再待多一會兒，Carole也睡了……而我……可能因為沒枕頭，而且習慣側睡，頸和肩受壓逼，所以難以入睡……原來，可怕的經歷才要開始！！

只見Carmen睡得滾來滾去，手舞足蹈，理應與我無關，可是她突然滾到我身後（當時我背對她側睡），用她軟軟的大腿貼著我的屁股= =|||　想踢一踢她，令她滾回「適當」位置，然而一點也踢不動她＝口＝！！！

另一邊廂，Carole睡沙發，我睡地板，理應不受她睡姿影響，哪知她的手肘撞到我的手臂！結果，前面有Carole手肘壓著、後有Carmen「貼身照顧」，夠了吧～住了吧～～！！（學傚耶穌平靜風浪）

先解決Carole，我輕輕用手推一推她的手肘，她的手肘像被插入櫃員機的提款卡般，慢慢地退回她應有的位置……而Carmen突然間自動自覺地滾回她適當的地域，那麼除了沒枕頭以外，再沒有阻礙入睡的因素吧？正嘗試閉目養神準備入睡時，感覺有人不斷拍打我的背部！

我看一看Carmen，她的眼睛是閉著的，嘴巴張得開開的，但她的手不斷拍打我……最後還要用她的腳趾「了」在下腳板底－口－|||||

如是者，整整四小時，沒拍醒她們，全程只閉目養神……

為甚麼定「人肉攬枕之軟硬兼施」為本文的題目？是這樣的：

人肉攬枕：當時是我吧！被兩位「好」姊妹當攬枕般抱著！！

軟：Carmen貼在我身後，感覺軟軟的

硬：Carole的手肘很硬嘛！！

兼施：兩位齊齊夾攻在下，嗚～欺負人的！！

香港立例永遠都慢人一拍……

外國早已經嚴格監管食品標籤嘅內容，所有成份一一交待清楚先至可以上架。

而香港嘅食品商好取巧，

以低糖、高鈣等等嘅字眼，吸引追求健康嘅消費者購買，

分分鐘無糖，其實食咗８羮砂糖落肚，可怕嗎？

新法例喺出年實行，屆時好似外國一樣，

有乜就要寫出黎，冇乜就唔好寫，否則唔可以放貨架，

到時我哋買得放心啦。

平日鍾意睇Xanga嘅投稿版，有好多發人心省嘅文章，最近新聞翻返起藝人裸照事件、十三歲做人父親、十四歲未婚媽媽公開其大肚照……多咗blog友投稿討論有關「性」嘅話題，當中不乏討論婚前性行為。不過，blog友們嘅回應，往往令我感到傷心難過。

作為一個基督徒，知道　神唔喜悅婚前性行為、婚外性行為，呢啲等於行淫，　神唔鍾意我哋做嘅嘢，因為想保護我哋，對將來嘅丈夫或者太太保持忠貞，而對方都願意為我哋身為佢哋將來嘅丈夫或妻子保持貞潔。換句話講，婚前性行為就等如婚外性行為，邊個會保証永遠同現時身邊嘅另一半百分百可以結婚呢？

好多blog友贊成婚前性行為，甚至係戀愛必需品。換個角度睇，如果未信主嘅人，佢哋未認識　神嘅話，就唔知道佢禁止婚前或婚外性行為嘅原意，其實值得憐憫佢哋。佢哋根本唔知道呢樣嘢係唔啱，見佢哋走喺呢條路當中，實在為佢哋感到好難過，冇性行為，人都一樣生存到！佢哋話基督徒禁慾好辛苦，其實我哋依靠　神，就可以對呢啲性慾大大誇勝！我同刺蝟都有性試探，唔代表我哋一定要有性行為，忍耐係好辛苦，但諗到主幫助我哋兩個，仲有呢份係婚姻先至得到嘅禮物，加上避免去少人嘅地方約會，又唔會兩個人單獨喺屋企或者旅行，就可以躲開試探。最重要嘅就係，根本唔係得我哋兩個，仲有其他弟兄姊妹禱告，支持丫嘛！

好似將話題撐得幾遠……　神將道德標準set得咁高，係唔想因為我哋愈黎愈踩界，到我哋踩過咗條界，道德寬鬆咗，然後愈黎愈貪心，愈踩愈過，最後跌入陷阱，可想而知，如果而家條界已經偏離咗原本嘅道德標準好多，咁將來呢個世界會變成點？？

大家都如羊走迷，各人偏行己路，我感到好傷心，因為佢哋根本唔知道婚前婚外性行為係唔啱，好可憐……相信　神更加難過。

而家逐漸有更多地方接受同性戀，咁將來會唔會演變成「只要大家相愛，兄妹相愛，又有乜所謂？？」